Last updated on June 10th, 2025 at 02:13 pm
Aurangabad Rural Police Bharti result: पोलीस अधीक्षक, छत्रपती संभाजीनगर ग्रामीण आस्थापनेवरील रिक्त असलेल्या २१ चालक पोलीस शिपाई पदांची लेखी परीक्षा दिनांक ३० जुलै २०२४ रोजी यशस्वीरीत्या पार पडली. या परीक्षेत एकूण २३५ उमेदवारांनी पात्रता प्राप्त केली होती, ज्यातील २२७ उमेदवारांनी परीक्षेत हजेरी लावली.
लेखी परीक्षेमध्ये १०० गुणांसाठी एकूण १०० प्रश्न विचारण्यात आले होते. परीक्षेत A, B, C, D अशा चार वेगवेगळ्या प्रश्नपत्रिका संचांचा समावेश करण्यात आला होता. ३० जुलै २०२४ रोजी प्रसारित उत्तरतालिकेवर आलेल्या आक्षेपांनंतर, काही प्रश्न रद्द करण्यात आले असून, त्या प्रत्येक प्रश्नासाठी सर्व उमेदवारांना प्रत्येकी १ गुण देण्यात येत आहे.
प्राप्त गुणांची यादी औरंगाबाद ग्रामीण पोलीस विभागाच्या अधिकृत संकेतस्थळावर csn.mahapolice.gov.in तसेच पोलीस महासंचालक, महाराष्ट्र राज्य, मुंबई यांच्या संकेतस्थळावर mahapolice.gov.in वर उपलब्ध करण्यात आली आहे.
उमेदवारांना त्यांच्या गुणांबाबत काही हरकती असल्यास, त्या ९ ऑगस्ट २०२४ च्या दुपारी २ वाजेपर्यंत या कार्यालयाच्या ईमेल sb.pol.abdr@mahapolice.gov.in वर सादर कराव्यात. वेळेत आलेल्या हरकतींचा विचार करण्यात येईल; परंतु ९ ऑगस्ट २०२४ नंतर आलेल्या हरकती विचारात घेतल्या जाणार नाहीत.
महत्त्वाचे: औरंगाबाद ग्रामीण पोलीस भरतीच्या निकालाबाबतच्या ताज्या अद्यतनांसाठी नियमितपणे अधिकृत संकेतस्थळावर भेट देत राहा.
