Last updated on July 2nd, 2025 at 11:07 am

शेतकऱ्यांनो, आता सावधान! केंद्र सरकारनं एक मोठा निर्णय घेतला आहे – यानुसार, प्रत्येक शेतकऱ्याला ‘Farmer ID’ (शेतकरी ओळखपत्र) अनिवार्य करण्यात येणार आहे. या Farmer ID शिवाय शेतकऱ्यांना कोणतीही कृषी योजना, अनुदान, किंवा सवलती मिळणार नाहीत!

रविवारी अमरावती रोडवरील केंद्रीय कृषी सुधारणा परिषद सभागृहात झालेल्या महत्त्वपूर्ण बैठकीत केंद्रीय कृषी मंत्री श्री. शिवराज सिंह चौहान यांनी ही माहिती दिली. या बैठकीला मुख्यमंत्री देवेंद्र फडणवीस, राज्याचे कृषी मंत्री माणिक कोकाटे, ग्रामीण विकास मंत्री जयकुमार गोरे, अर्थ राज्यमंत्री आशिष जयस्वाल, कृषी विभागाचे प्रधान सचिव विकास रस्तोगी, ग्रामीण विकास विभागाचे प्रधान सचिव एकनाथ डावले, तसेच अनेक वरिष्ठ अधिकारी उपस्थित होते.

शेतकऱ्यांच्या ओळखीचा नवा आधार – ‘Farmer ID’

फार्मर ID म्हणजे केवळ ओळखपत्र नाही, तर शेतकऱ्यांच्या हक्कांचा द्योतक ठरणार आहे. या नव्या ओळख प्रणालीच्या माध्यमातून शेतकऱ्यांची माहिती केंद्र सरकारकडे केंद्रीकृत केली जाणार असून, त्याद्वारे त्यांना विविध योजनांचा लाभ अचूक व पारदर्शक पद्धतीने मिळवून दिला जाणार आहे.

सर्वोत्तम पीक मॉडेलची निर्मिती आणि यशोगाथांचा प्रचार

बैठकीत केंद्रीय कृषी मंत्री शिवराज सिंह चौहान यांनी राज्यातील सर्वोत्तम पीक मॉडेल तयार करण्याचे निर्देशही अधिकाऱ्यांना दिले. तसेच, राज्यातील यशस्वी शेतकऱ्यांची यशोगाथा देशभर पोहोचवण्याचे आवाहनही त्यांनी केले.

Farmer ID कशी मिळवावी?

लवकरच सरकार Farmer ID साठी ऑनलाईन व ऑफलाईन प्रक्रिया सुरू करणार आहे. त्यासाठी कृषी विभागाच्या अधिकृत संकेतस्थळावर व जिल्हा कृषी कार्यालयात अधिक माहिती उपलब्ध होईल.

निष्कर्ष:

शेतकऱ्यांनो, जर तुम्हाला PM-KISAN, खत अनुदान, सिंचन योजना यांसारख्या योजना हव्या असतील, तर तुमच्याकडे फार्मर ID असणे अत्यंत गरजेचे आहे. त्यामुळे लगेच तयार राहा आणि तुमची फार्मर ID लवकरात लवकर मिळवा!