Last updated on July 2nd, 2025 at 10:51 am

भारतातील सामान्य माणसांसाठी केंद्र सरकार विविध कल्याणकारी योजना राबवत असते. आजच्या धकाधकीच्या जीवनात विमा (Insurance) हा अत्यावश्यक झाला आहे. कोणत्या क्षणी संकट ओढवेल, हे सांगता येत नाही, आणि अशावेळी आर्थिक मदत मिळवण्यासाठी विमा अत्यंत उपयुक्त ठरतो. मात्र, अनेक गरजू लोक विम्याचा हप्ता भरण्याइतके सक्षम नसतात. अशा लोकांसाठी भारत सरकारने एक Cheapest Insurance Plan उपलब्ध करून दिला आहे — प्रधानमंत्री सुरक्षा विमा योजना (PMSBY).

फक्त ₹20 मध्ये ₹2 लाख विमा – भारतातील सर्वात स्वस्त विमा योजना

प्रधानमंत्री सुरक्षा विमा योजना (PMSBY) ही भारत सरकारची अपघाती विमा योजना आहे, ज्याचा हप्ता फक्त ₹20 प्रति वर्ष इतका कमी आहे. या योजनेअंतर्गत तुम्हाला ₹2 लाख अपघाती विमा संरक्षण मिळतं. ही योजना 2015 साली सुरु करण्यात आली आणि तिचा उद्देश म्हणजे आर्थिकदृष्ट्या दुर्बल घटकांना अपघाताच्या संकटात आर्थिक मदत उपलब्ध करून देणं.

Cheapest Insurance Plan चा फायदा कोणाला?

या योजनेचा फायदा घेणाऱ्या व्यक्तीचं जर अपघातात निधन झालं, तर त्याच्या कुटुंबियांना ₹2 लाख मिळतात.
जर अपघातामुळे व्यक्ती अपंग झाला, तर त्यालाही आर्थिक मदत मिळते:

• अंशतः अपंगत्वासाठी ₹1 लाख
• पूर्ण अपंगत्वासाठी ₹2 लाख

हा विमा कवच अपघाताच्या प्रसंगी येणाऱ्या आर्थिक संकटापासून तुमच्या कुटुंबाचे संरक्षण करतो.

प्रीमियम व विमा कालावधी

या Cheapest Insurance Plan चा प्रीमियम इतका कमी आहे की भारतातील कोणताही नागरिक सहज भरू शकतो — फक्त ₹20 वार्षिक.

योजनेचा कालावधी दरवर्षी 1 जून ते 31 मे पर्यंत असतो. त्यामुळे प्रत्येक वर्षी 1 जूनपूर्वी प्रीमियम जमा करणं आवश्यक आहे.

अर्ज प्रक्रिया – सहज व सोपी

या योजनेसाठी अर्ज करणं खूपच सोपं आहे. तुम्ही तुमच्या बँकेत किंवा जवळच्या कॉमन सर्विस सेंटर (CSC) मध्ये जाऊन अर्ज करू शकता.

एकदा तुम्ही अर्ज केल्यावर, तुमच्या बँक खात्यातून प्रीमियमची रक्कम ऑटो-डेबिट होईल, म्हणजे तुम्हाला दरवर्षी परत प्रीमियम भरण्याची चिंता नाही.

निष्कर्ष: गरजूंसाठी जीवनरक्षक – Cheapest Insurance Plan

प्रधानमंत्री सुरक्षा विमा योजना (PMSBY) ही गरीब, शेतकरी, मजूर, छोट्या व्यावसायिकांसाठी एक वरदान ठरली आहे. ₹20 इतक्या कमी रकमेवर ₹2 लाखाचं विमा संरक्षण देणारी ही योजना खरंच India’s Cheapest Insurance Plan म्हणायला हरकत नाही.

जर तुम्ही अजूनही या योजनेत सहभागी झालेला नाही, तर आजच तुमच्या जवळच्या बँकेत जाऊन अर्ज भरा आणि तुमच्या कुटुंबाचं आर्थिक संरक्षण सुनिश्चित करा. फक्त ₹20 मध्ये भविष्य सुरक्षित करा!